شروط البيع والتوصيل والإرجاع
كلشي بالواضح: كيفاش كيمشي الطلب، الخلاص، التوصيل، والإرجاع.
آخر تحديث: 08/09/2026
الطلب
كتعمّر الفورمي بالسمية، رقم التيليفون والمدينة. من بعد كنعيطو ليك باش نأكدو الطلب والعنوان قبل ما نصيفطوه. الطلب ما كيتصيفطش قبل ما نتأكدو معاك بالتيليفون.
إلا ما جاوبتيش فالتيليفون، غانحاولو مرات أخرى. إلا ما وصلناش ليك، الطلب كيتوقف وما كيتصيفطش — ما كتخلص والو فهاد الحالة.
الثمن والخلاص
- الأثمنة بالدرهم المغربي، وكتبان بالواضح فالصفحة قبل ما تأكد.
- الخلاص عند الاستلام — كتخلص نقدا للليفرور ملي توصلك السلعة فيدك.
- ما كنطلبو حتى فلوس مقدما، وما كنقبلو لا كارطة بنكية لا تحويل قبل التوصيل.
- ما كاين حتى مصاريف مخبية — الثمن اللي شفتي هو اللي تخلص.
التوصيل
المدة: 24 – 48 ساعة فالمدن الكبار.
المناطق البعيدة ممكن تاخد شوية زيادة.
الثمن: التوصيل مجاني لجميع المدن.
الليفرور كيعيط ليك قبل ما يوصل. عندك الحق تشوف الكارطونة وتتأكد من المنتوج قبل ما تخلص.
الإرجاع والتبديل
إلا وصلاتك السلعة مكسورة، ناقصة، ولا ماشي هي اللي طلبتي — عيّط لينا فـ 30 أيام من التوصيل وغانبدلوها ليك بلا ما تخلص والو زيادة.
باش يمشي الإرجاع بسرعة:
- خلي السلعة والكارطونة ديالها كيف ما وصلاتك
- صيفط لينا تصويرة ديال المشكل عبر الإيميل ولا التيليفون
- عيّط لينا قبل ما تصيفط شي حاجة — باش نوجدو ليك الإجراء
السلعة اللي تخدمات بطريقة غير صحيحة (طاحت، تغطسات فالما، تفكات) ما كتدخلش فالتبديل.
الاستعمال السليم
المنتوج فيه شبكة كهربائية بجهد عالي. خاصك:
- ما تخليهش فيد الدراري الصغار بلا مراقبة
- ما تقيسش الشبكة الداخلية بالصبع ولا بشي حاجة معدنية
- ما تستعملوش قريب من الما ولا فبلاصة فيها الرطوبة الزايدة
- تشحن غير بالشارجور المناسب Type-C
الضمان
الضمان كيغطي عيوب الصناعة. ما كيغطيش الاستعمال الخاطئ، ولا الكسر الناتج عن الطيحان، ولا التآكل العادي ديال الباطري مع الوقت.
المسؤولية
المنتوج مخصص للاستعمال المنزلي العادي. المعلومات اللي فالصفحة (المقاسات، الجهد، مدة الباطري) جايين من المصنّع. حنا مسؤولين على إيصال السلعة ليك سليمة، وعلى تبديلها إلا كان فيها عيب.
الاتصال
- الإيميل
- contact@chrihany.com
- المدينة
- المغرب